Дунёнинг энг катта клублари рейтинги эълон қилинди

France Football нашри дунёнинг энг катта 30та клуби рейтингини тузиб чиқди.

Унда таркибнинг қиймати, қўлга киритган совринлари, «Олтин тўп» соҳиби бўлган футболчилари, трансфер рекордлари, сотилган футболкалар сони, мухлисларнинг ташрифи, ижтимоий тармоқлардаги ўқувчилар сони каби кўрсаткичлар инобатга олинди.

Биринчи ўринни Мадриднинг «Реал» клуби эгаллади. Иккинчи ўринга «Барселона», учинчи ўринга «Манчестер Юнайтед» клублари лойиқ кўрилди.