Ливан шимолида ИШИДнинг олти нафар етакчиси қўлга олинди

Ливан армияси махсус хизмати ИШИД террорчи гуруҳида юқори лавозимда бўлган олти нафар хавфли террорчини қўлга олди. бу ҳақда An-Nashra портали хабар берди.

Портал хабарига кўра, Ливан шимолидаги Хермел туманида ўтказилган операцияда ИШИД дала қўмондонларидан бири Муҳаммад Холид ал-Ҳаж қўлга олинган. У сўроқ қилинганидан сўнг ИШИД “амири” ҳисобланган Аҳмад Мансур ал-Ҳалаф ва яна тўрт нафар террорчи ушланган.

Порталнинг билдиришича, уларнинг барчаси Ливанга Суриянинг Дайр-аз-Зор вилоятидан қочиб ўтишган.

Февраль ойи бошида Триполи шаҳрида қўпорувчилик ҳаракатини тайёрлаётган ИШИДнинг тўрт нафар жангариси қўлга олинганди.