Россия ва АҚШ Афғонистон ўз муаммоларини ўзи ҳал қилиши кераклигига келишиб олди

Россия ва АҚШ ўзаро музокараларда Афғонистон муаммосини афғонларнинг ўзлари ҳал қилиши кераклигига келишиб олди, Москва ва Вашингтон бу жараённи қўллаб-қувватлайди. Бу ҳақда Россия президентининг Афғонистон бўйича махсус вакили Замир Кабулов маълум қилди.

"Энг асосий нарса ҳақида келишиб олдик - Россия ва Америка қанчалик буюк бўлмасин, афғонларга қарор чиқаришни, рецептни биз бермаймиз”, деди у. 

Кабуловнинг айтишича, тинчлик ўрнатиш масаласида афғонистонликларга кенг маънодаги имконият берилади.

"Бу Афғонистон ҳукуматигина эмас, у мазкур жараённинг бир қисми ҳисобланади, барча афғонлар, толиблар ҳам иштирок этади. Биз эса ташқи иштирокчилар сифатида бу жараённи қўллаб-қувватлаймиз”, деди у.