Эрон ҳарбий-денгиз кучлари қароқчиларнинг нефть танкерига қилган ҳужумини қайтарди

Фото: youtube.com

Эрон ҳарбий-денгиз кучлари Боб-ил-Мандоб бўғозида қароқчиларнинг Эрон нефть танкерига қилган ҳужумини қайтарди. Бу ҳақда Эрон армиясининг расмий сайтида хабар қилинди.

"Кеча эрталаб Боб-ил-Мандоб бўғозида 11та қароқчи қайиқлар ҳужуми остида қолган нефть танкери ҲДКнинг 60-флотилияси саъй-ҳаракати билан қароқчилардан қутқариб қолинди", - дейилади армия баёнотида.

Баёнотда айтилишича, танкер бортида 150 минг тоннадан ортиқ нефть бўлган.

Аввалроқ Ғарбий Африка соҳиллари яқинида бортида 22 денгизчи бўлган нефть танкери қароқчилар томонидан олиб кетилгани тахмин қилинганди.