Мексикада юк машинасининг автоҳалокатга учраши 25 кишининг ҳаётига зомин бўлди

Фото: Total sapiens / Twitter

7 март кечки вақт Мексика жанубидаги Чьяпас штатида Марказий Америкадан муҳожирларни олиб кетаётган юк машинаси ағдарилиб кетиши оқибатида 25 киши ҳалок бўлган.

Штат бош прокуратурасида маълум қилинишича, автоҳалокат Франсиско-Сарабия аҳоли пунктидан 5 км узоқликда юз берган. Йўл-транспорт ҳодисасида яна 30 киши жароҳат олган.

Айни вақтда тергов олиб борилмоқда. Баъзи маълумотларга кўра, давлат рақами бўлмаган юк машинасининг ҳайдовчиси бошқарувни қўлдан чиқаргандан кейин машина ағдарилиб, жарликка тушиб кетган.