Англия Премьер-Лигасида 30-турдан ўрин олган бир ўйин якунланди.
«Арсенал» ўз майдонида «Манчестер Юнайтед»ни қабул қилиб, 2:0 ҳисобида ғалаба қозонди.
12-дақиқада Жака узоқ масофадан чиройли зарба йўллаб, дарвозани аниқ нишонга олди. 69-дақиқада Обамеянг пенальтини бехато бажариб, ҳисобни якуний кўринишга келтирди.
Қайд қилиш жоизки, бу «Манчестер Юнайтед» клубининг АПЛ доирасида бош мураббий Уле-Гуннар Сульшер қўл остидаги илк мағлубияти бўлди.
Бу натижадан сўнг, «Арсенал» 60 очко билан 4-ўринга чиқиб олди, «Манчестер Юнайтед» эса 58 очко билан 5-ўринга тушди.
АПЛ, 30-тур
Арсенал – Манчестер Юнайтед 2:0 (1:0, 1:0)
10 март, «Эмирейтс» стадиони
Голлар: 1:0 – 12 Чака, 2:0 – 69, пенальти Обамеянг.
Арсенал – Лено, Монреаль, Косьельни, Папастатопулос, Колашинац, Рэмзи, Мэйтленд-Найлз, Жака, Озил (Ивоби, 77), Обамеянг (Денис Суарес, 80), Ляказетт (Нкетиа, 86).
Манчестер Юнайтед – Де Хеа, Шоу, Смоллинг, Янг, Диогу Далот (Марсиал, 71), Фред, Матич (Гринвуд, 80), Погба, Линделеф, Рэшфорд, Лукаку.
Огоҳлантиришлар: Папастатопулос (38), Матич (68), Погба (76), Колашинац (90).
