АҚШ Венесуэла ҳукуматини мамлакатни тарк этишга чақирди

Фото: epa/vostock-photo

АҚШнинг Венесуэла бўйича махсус вакили Эллиотт Абрамс маълум қилишича, Вашингтон Венесуэла ҳукуматининг баъзи аъзолари республикани тарк этишини хоҳлайди. Бу ҳақда ТАСС хабар бермоқда.

Унинг сўзларига кўра, Венесуэла ҳукуматининг бир қатор вакиллари мамлакатни сиёсий ўтиш даври шартларидан бири сифатида тарк этиши керак.

Шунингдек, унинг қўшимча қилишича, АҚШ бошқа давлатлар билан Венесуэла ҳукумати аъзолари учун бошпана тақдим этиш имкониятини муҳокама қилмоқда.

Абрамснинг қайд этишича, венесуэлалик сиёсатчилардан ҳозирча ҳеч бири республикани тарк этишга розилик бермаган.

Бундан олдин, мухолифат етакчиси Хуан Гуайдо Венесуэлага икки мамлакат ёрдам беришга тайёрлигини маълум қилганди.

#АҚШ #Венесуэла

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди