АҚШнинг Техасида яшовчи аёл 9 дақиқа ичида 6 нафар фарзандни дунёга келтирди. Бу ҳақда маҳаллий шифохонанинг фейсбукдаги саҳифасида маълум қилинган.
Ноодатий ҳодисага Hindustantimes нашри эътибор қаратган.
Маълум қилинишича, аёл тонгги соат 4:50 дан 4:59 гача 4 нафар ўғил ва 2 нафар қиз фарзандни дунёга келтирган.
Шифохона вакилларининг таъкидлашича, 6 нафар эгизакнинг туғилиши эҳтимоли 4,7 миллиардга биттани ташкил қилади.
Нашрнинг таъкидлашича, болалар ва она ўзларини яхши ҳис қилмоқдалар ва шифокорлар кузатуви ости қолмоқдалар.