Xiaomi смартфонни 17 дақиқа ичида қувватлантирадиган қурилмани намойиш этди

Хитойнинг Xiaomi компанияси смартфонни 17 дақиқа ичида қувватлантирадиган қурилмани намойиш этди. Қурилма қандай ишлаши акс этган видеони Xiaomi вице-президенти Лу Вейбинг Weibo ижтимоий тармоғида жойлаштирди. 

Видеода иккита мобил қурилма ҳамда қанча вақт ўтганини кўрсатувчи таймер акс этган. Улардан бири сиғими 4000 мА·с бўлган аккумуляторга эга смартфон бўлса , иккинчиси Super VOOC технологияли қувватлагичга уланган аккумулятори 3700 мА·с бўлган Oppo смартфонидир.

Лавҳада кўрсатилишича, сиғими 4000 мА·с бўлган, Xiaomi қувватлагичига уланган смартфон қуввати 17 дақиқа ичида 0дан 100%га етади. Ўша вақт ичида Oppo смартфони 65% қувват олади. 

Компания лавҳада бошқа қўшимча тафсилотларни ва янги технология қачондан чиқарилишини маълум қилмаган.