Бангладешлик аёлнинг бир ойда икки марта кўзи ёриди

Бангладешда аёлнинг бир ойда икки марта кўзи ёриди. Бу ҳақда Asia One хабар бермоқда.

Мавжуд маълумотларга қараганда, гап 20 ёшли Арифа Султон ҳақида кетмоқда. Февраль ойида аёл ўғил фарзандли бўлган, лекин орадан 26 кун ўтиб у яна туғруқхонага олиб келинган. Маълум бўлишича, аёлда иккита бачадон бўлиб, иккинчисида яна иккита ҳомила ривожланган, шунинг учун у кўрсатилган даврдан сўнг турли жинсга эга эгизакларни дунёга келтиришга муваффақ бўлди.

Аниқлик киритилишича, биринчи туғруқ пайтида шифокорлар иккинчи бачадонни пайқашмаган.