Малайзия ҳукумати коррупцион можаро туфайли яхтани 126 миллион долларга сотади

Фото: REUTERS

Малайзия ҳукумати 1MDB давлат инвестиция фондидаги йирик коррупция можароси бўйича ишда қайд этилган яхтани сотишга рози бўлди. Бу ҳақда Reuters мамлакат бош прокурорига таяниб хабар бермоқда.

Қайд этилишича, битим қиймати 126 миллион долларни ташкил этади.

Агентликнинг аниқлик киритишича, яхта мамлакатдан қочиб чиқиб кетган молиячи Жхо Лау ва унинг шериклари томонидан фонддан олинган пуллар эвазига сотиб олинган активлар ичига киради.

Билдирилишича, Лау кема учун тахминан 260 миллион доллар тўлаган. Яхтанинг ички қисми олтин ва мармар билан безатилган. Унда спа-салон, сауна, сузиш ҳавзаси, кинотеатр ва вертолёт майдончаси жойлашган.