НАТОнинг собиқ раҳбари Зеленскийга дунё етакчилари билан алоқа ўрнатишда ёрдам бериш истагини билдирди

Фото: Global Look Press

НАТОнинг собиқ раҳбари Андерс Фог Расмуссен Украина президенти лавозимига номзод Владимир Зеленскийга жаҳон ҳамжамияти етакчилари билан алоқа ўрнатишда ёрдам бериш истагини билдирди. Унинг бу ҳақдаги баёноти Зеленскийнинг Ялта Европа стратегияси бошқаруви билан учрашуви ортида янгради.

“Янги сайланган президентга Европа Иттифоқи, Брюссель, Берлин, Париж ва Вашингтон билан иложи борича тезроқ норасмий алоқа ўрнатиш муҳимдир”, деб айтган Расмуссен.

Таъкидланишича, учрашув вақтида Зеленский унинг жамоаси муҳим лавозимларга номзодларни белгилаб олгани ва уларнинг исмларини сайловларнинг 2-босқичигача айтишга умид қилишини маълум қилган.

Сайловларнинг 2-босқичи 21 апрелга белгиланган.

Тайёрлаган: Шуҳрат Раҳимов

#НАТО #Володимир Зеленский

2019 йил 31 мартда Украина президентлиги учун сайлов ўтказилади. Унда иштирок этиш учун 44 номзод, шу жумладан амалдаги президент Пётр Порошенко ҳужжат топширган.