АҚШнинг яна бир юқори лавозимли амалдори истеъфога чиқди – CNN

АҚШ чегара хизмати раҳбари вазифасини бажараётган Рональд Вителло истеъфога чиқди. Бу ҳақда CNN телеканали хабар берди.  

Телеканал маълумотларига кўра, Вителло бу ҳақда чегара хизмати ходимларига мактуб орқали маълум қилган.

Таъкидланишича, бу қарор АҚШ президенти Дональд Трамп Вителлони доимий асосда чегара хизмати бошлиғи этиб тасдиқлашдан бош тортгани билан боғлиқ.

Вителло ўз лавозимидан 12 апрелда кетишини таъкидлаб ўтган.

Аввалроқ АҚШнинг ички хавфсизлик вазири Кирстен Нильсен истеъфога чиқарилгани сабабли 10 апрелда ўз лавозимини тарк этиши маълум қилинганди.

Шунингдек, 9 апрелда АҚШ президенти Дональд Трамп АҚШ махфий хизмати раҳбари Рэндольф Аллесни ишдан олганди.