Стивен Мнучин Фото: AP /Patrick Semansky
АҚШ Хитой билан эҳтимолий савдо келишуви бўйича мажбуриятлар бажарилмаган тақдирда келиб чиқадиган «оқибатлар»га тайёр. Бу ҳақда АҚШ молия вазири Стивен Мнучин маълум қилди, деб хабар берди Bloomberg. Унинг сўзларига кўра, Хитой ва АҚШ эҳтимолий келишув доирсида маълум бир мажбуриятларни зиммасига олади, аммо булар қандай мажбуриятлар эканлигини очиқламади.
«Мен мажбурий механизм ҳар икки йўналишда ишлашини кутмоқдаман, шундай экан, мажбуриятларимизнинг бажарилиши кутилмоқда. Агарда бундай бўлмаса, иккала томон учун ҳам маълум бир оқибатлар келиб чиқади», — деди Мнучин.
Мнучиннинг сўзларига кўра, Вашингтон ва Пекин эришилган келишувлар бажарилишини назорат қилиш учун «ҳуқуқни муҳофаза қилиш органлари»ни ташкил этади.
