Қўшимча функционаллар
-
Тунги кўриниш
Беларусдаги энг нуфузли шахслардан бири ҳибсга олинди
Фото: vsr.mil.by
Беларусь давлат хавфсизлиги қўмитаси ходимлари Беларусь хавфсизлик кенгаши давлат котиби ўринбосари Андрей Втюринни ҳибсга олишди. Бу ҳақда ўз манбаларига иқтибос келтирган ҳолда “Наша Нива” нашри хабар берди. Маълумотларга кўра, бу бир ҳафта олдин юз берган.
Беларусдаги энг нуфузли кишилардан бирининг ҳибсга олинишига пора олиш сабаб бўлган. Норасмий маълумотларга кўра, пора миқдори 150 минг долларни ташкил қилган.
Нашрнинг таъкидлашича, Втюринга нисбатан жиноий иш қўзғатилган ва унинг юқори лавозимли амалдор шахслар яшовчи “Дрозди-2” посёлкасидаги коттежи муҳрлаб қўйилган.
Давлат хавфсизлиги қўмитасида бу борада изоҳ беришдан бош тортилган.
Втюрин энг нуфузли беларуслардан ҳисобланади. У 2014 йилда хавфсизлик кенгашига ишга ўтгунча 7 йил президент хавфсизлиги хизматини бошқарган. Втюрин бу хизматда Александр Лукашенко президент лавозимини эгаллагандан бир йил кейин, яъни 1995 йилда ишлай бошлаган. Беларуслик журналистлар Втюринни Лукашенконинг сафдоши деб аташади.
Мавзуга оид
01:03 / 27.11.2020
Европарламент Беларус ва Туркияга қарши санкциялар ҳақида резолюцияларни қабул қилди
00:48 / 25.11.2020
Лукашенко ўзини ҳокимиятдан четлатишнинг ягона йўлини айтди
20:40 / 19.11.2020
Беларусда Nexta Telegram-канали муаллифлари террорчилар рўйхатига киритилди
00:32 / 14.11.2020