Эрон президенти АҚШ қуролли кучларини террорчилик тузилмалари деб тан олиниши ҳақидаги қонунни имзолади 

Эрон президенти Ҳасан Руҳоний АҚШ қуролли кучларининг Яқин Шарқда жойлашган кучлари террорчилик тузилмалари деб эълон қилиниши ҳақидаги қонунни имзолади.     

Қонунда “АҚШнинг Яқин Шарқдаги барча кучлари террорчилик тузилмалари, АҚШ эса террорчилик ҳомийси ҳисобланиши” кўрсатилган. 

Руҳоний ушбу қонунни Эрон парламенти томонидан тасдиқлангандан бир ҳафта кейин имзолади. Эрон президенти куч идоралари, разведка тузилмалари ҳамда ташқи ишлар вазирлигига янги қонуннинг сўзсиз бажарилиши учун чоралар қабул қилиш топшириғини берган.   

АҚШ президенти Дональд Трамп 8 апрелда Эроннинг Ислом инқилоби соқчилари корпусини хорижий террорчилик ташкилотлари рўйхатига киритиш қарорини қабул қилганди. Бунга жавобан Эрон миллий хавфсизлик олий кенгаши АҚШ қуролли кучларини террорчилик ташкилотлари қаторига киритган.