Мексикада жиноятчилар қўлидан 60 муҳожир озод этилди

Мексиканинг Веракрус штатида полиция жиноятчилар қўлидан Марказий Америка давлатларидан бўлган 60 муҳожирни, жумладан 22 болани озод этди.   

Маълум қилинишича, муҳожирлар 4 та машинада 6 мексикалик томонидан ноқонуний олиб кетилаётган бўлган. 
 
Марказий америкалик муҳожирлар 2018 йил кузидан бери Мексика ҳудуди орқали АҚШ томон ҳаракатланмоқда. Улардан кўпчилиги йўлда жиноятчилар ва наркокартеллар қўлига тушиб қолади. Ҳуқуқ ҳимоячилари маълумотларига кўра, Мексикада йилига 20 мингга яқин ноқонуний муҳожир одам савдоси ёки эваз пули олиш мақсадида ўғирланади.