Москва аэропортида самолётдаги бомба ҳақида берилган хабар туфайли Тошкентга рейс кечиктирилди

Фото: РИА Новости

Москва областидаги «Внуково» аэропортида самолёт багажидаги бомба ҳақида аноним қўнғироқ туфайли AZUR air авиакомпаниясининг иккита рейси кечиктирилди. «Комсомольская правда» нашри хабарига кўра, Мексикадаги курорт шаҳар Канкун ва Ўзбекистон пойтахти Тошкентга рейслар кечиктирилган.

Хабарга кўра, сешанба, 30 апрелга ўтар тунда номаълум шахс аэропортга қўнғироқ қилган ва самолёт багажида портловчи қурилма яширилгани ҳақида хабар берган.

«Внуково» ходимлари зудлик билан полиция ходимлари, портлатиш бўйича техниклар ва махсус ўқитилган итларга эга кинологларни чақиртиришди. Шундан сўнг барча юклар қайта текширилган, мутахассислар портловчи моддаларни қидирган.