Фуқарони 5та машина олиб бериш баҳонасида 69 000 доллар ва 22 400 000 сўмга «ухлатган» шахс ушланди

Тошкент шаҳрининг Мирзо Улуғбек туманида 1 май куни тушган хабарга кўра, шу йил 9 январь куни Андижон вилояти Хўжаобод туманида яшовчи О.Р. Мирзо Улуғбек туманида яшовчи А.К.га 5 та автомашина олиб беришини ваъда қилган.

Ўзбекистон Республикаси ИИВ Жамоатчилик ва ОАВ билан алоқалар бошқармаси хабарига кўра, бу шахс ундан жами 69 000 АҚШ доллари ва 22 400 000 сўм пулларини олиб, берган ваъдасини бажармасдан пулларни ўз эҳтиёжлари йўлида ишлатиб юборганлиги аниқланган.

О.Р. ушланган. Ҳолат юзасидан жиноят иши қўзғатилиб, тергов ҳаракатлари олиб борилмоқда.