Англия Премьер-Лигаси 37-туридан ўрин олган «Арсенал» ҳамда «Брайтон» жамоалари ўртасидаги ўйин якунланди.
Англия Премьер-Лигаси 37-туридан ўрин олган «Арсенал» ҳамда «Брайтон» жамоалари ўртасидаги ўйин якунланди. Чемпионлар Лигаси учун курашаётган «Арсенал» ўз майдонида кечган ўйинни юта олмади ва Европа Чемпионлар Лигасига АПЛ орқали йўлланма олиш имконини деярли қўлдан бой берди.
«Тўпчилар» 9-дақиқада Обамеянгнинг пенальтидан урган голи эвазига ҳисобда олдинга чиқиб олишганди, лекин «Брайтон» ҳам 61-дақиқада пенальтидан гол урди. Стандартни аниқ амалга оширган Мюррей мувозанатни тиклади.
Бу дурангдан сўнг «Арсенал» ҳисобидаги очколар сони 67тага етди ва жамоа 4-ўриндаги «Тоттенҳэм»дан 3 очко ортда қолмоқда, лекин «шпорлар»да тўплар нисбати яхшироқ. Охирги турда «Тоттенҳэм» 4та тўп фарқи билан мағлуб бўлиб, «Арсенал» 4та тўп фарқи билан ғалаба қозонсагина Эмери шогирдлари 4-ўринга чиқади.
Бу турда «Уотфорд»ни енгиб (3:0), 71 очко билан учинчи ўринга кўтарилган «Челси» АПЛдан ЕЧЛга учинчи йўлланмани қўлга киритди. Энди тўртинчи йўлланма учун «Тоттенҳэм» ва «Арсенал» ўзаро рақобат қилади.
«Арсенал»да Европа Лигасида ғолиб бўлиш орқали ЕЧЛга йўлланма олиш имконияти ҳам мавжуд. Эмери шогирдлари мусобақанинг ярим финал илк ўйинида «Валенсия»ни 3:1 ҳисобида енгишган ва чемпион бўлиш имконига эгалар.
АПЛ. 37-тур
Арсенал – Брайтон 1:1
Голлар: Обамеянг (9, пенальти) – Мюррей (61, пенальти).
Арсенал: Лено, Монреаль, Лихтштайнер (Колашинац, 77), Мустафи, Папастатопулос, Торрейра, Мхитарян (Гендузи, 77), Ўзил, Чака (Ивоби, 77), Ляказетт, Обамеянг.
Брайтон: Райан, Данк, Бернардо, Сальтор, Даффи, Гросс (Кайяль, 90), Стивенс, Марч, Биссума, Жаҳонбаҳш (Кнокерт, 46), Мюррей (Андоне, 78).
Огоҳлантиришлар: Папастатопулос (14), Гросс (45), Чака (60), Данк (63), Лихтштайнер (64), Гендузи (83), Мустафи (84).
