Мьянмада Бангладеш авиакомпаниясининг самолёти қўниш вақтида фалокатга учради

Бангладешнинг Biman авиакомпаниясининг самолёти Мьянма аэропортида фалокатга учради. Бу ҳақда Myanmar Times нашри хабар берди. 

Маълум қилинишича, самолёт Янгон халқаро аэропортига қўниши вақтида учиш-қўниш йўлагидан чиқиб кетиб, учга бўлиниб кетган. Жабрланувчилар ҳақида маълумот берилмаган.

Айни вақтда аэропорт ёпилган. Daily Star нашри маълумотларига кўра, самолётда 33 йўловчи бўлган. Авиакомпания вакили Шакил Меражнинг маълум қилишича, самолёт учиш-қўниш йўлагидан ёмон об-ҳаво сабабли чиқиб кетган.