Содиқ Сафоев Илёс Умахонов билан учрашди
Сенатда Ўзбекистон Республикаси Олий Мажлиси Сенати раисининг биринчи ўринбосари Содиқ Сафоевнинг Россия Федерацияси Федерал Мажлиси Федерация Кенгаши раиси ўринбосари Илёс Умахонов раҳбарлигидаги делегация билан учрашуви бўлиб ўтди.
Ўзбекистон Республикаси Олий Мажлиси Сенатининг ахборот хизмати хабарига кўра, учрашувда парламентлараро ҳамкорликни янада мустаҳкамлаш, шу жумладан халқаро парламент тузилмалари доирасида мустаҳкамлаш масалалари муҳокама этилган.
Томонлар икки мамлакат парламентлари ўртасидаги муносабатлар янги фойдалироқ даражага кўтарилганини таъкидладилар. Демократик жамиятни ривожлантиришда, икки мамлакатнинг ҳам сиёсий, ҳам ижтимоий-иқтисодий ҳаётидаги ислоҳотларни амалга оширишда парламентнинг роли ва аҳамияти ҳам ошиб бормоқда.
Россия парламенти аъзолари халқаро сиёсий майдонда Ўзбекистоннинг фаоллигини қайд этдилар, Россия ва Ўзбекистон ўртасидаги парламент ва икки томонлама муносабатларни ривожлантиришга Ўзбекистон президентининг қўшаётган ҳиссаси учун миннатдорлик билдириб, буни юксак баҳоладилар.
Мавзуга оид
18:55 / 19.09.2024
Коррупция оқибатида давлатга энг кўп зарар етказган вилоятлар маълум қилинди
12:22 / 28.08.2024
Содиқ Сафоев: Ўзбекистон Афғонистондаги вазият билан боғлиқ масалалар халқаро кун тартибида эътиборсиз қолаётганидан хавотирда
14:02 / 21.08.2024
2023 йилда “права”си олиб қўйилган шахслар такрор ЙТҲ содир этиши оқибатида 212 киши ҳалок бўлган
16:02 / 17.08.2024