Ҳинд YouTube-канали дунёда биринчи бўлиб юз миллион обуначига эга бўлди

Ҳиндистоннинг T-series канали YouTube каналида 100 миллион обуначи тўплаб рекорд ўрнатди.

"Энг катта YouTube канал бўлган T-Series тарихий натижага эришди ва биринчи бўлиб обуначилари сони 100 миллиондан ошди", - дейилади каналнинг Twitter саҳифасида.

ОАВнинг маълумот беришича, кейинги ойларда T-series канали YouTube’да биринчиликни эгаллаш учун видеоблогер PewDiePie канали билан кураш олиб борган. Унинг канали анча вақтгача энг кўп обуначига эга канал ҳисобланиб келганди, аммо ҳозирда бу канал обуначилари сони ҳинд каналиникига нисбатан 3,8 миллион нафарга камроқ.