Самарқандда МИБ ходимига қаршилик кўрсатган фуқарога нисбатан жиноят иши қўзғатилди
Мажбурий ижро бюросининг Булунғур туман бўлими давлат инспекторлари И.Мўминов ҳамда Ф.Хатамов 2019 йил 23 май куни соат тахминан 16:00ларда Булунғур тумани «Оқтош» маҳалласи «Шўрбедана» қишлоғида яшовчи фуқаро А.Халиловнинг яшаш хонадонига энергия ресурслари ва сувдан фойдаланиш қонунийлиги ҳолатини текшириш мақсадида боришиб, А.Халиловга электр энергияси истеъмолига тааллуқли бўлган ҳужжатларни тақдим этишни сўраган.
Шу пайт А.Халиловнинг ўғли Х.Халилов маст ҳолатда келиб қолади ва давлат инспекторларининг қонуний фаолиятларига фаол қаршилик кўрсатиб, ҳақоратлайди.
Сўнгра, уяли телефонларини ҳамда хизмат жетонларини тортиб олиб, давлат инспектори Ф.Хатамовга тан жароҳати етказади.
Мазкур ҳолат юзасидан туман прокуратураси томонидан фуқаро Х.Халиловга Ўзбекистон Республикаси Жиноят Кодексининг 219-моддаси 2-қисми билан жиноят иши қўзғатилган.
Мавзуга оид
20:45 / 10.09.2024
Тошкентда йўл ҳаракати қоидаларини 363 марта бузган Spark хатловга олинди
22:05 / 19.07.2024
Қашқадарёда йўл ҳаракати қоидаларини 105 марта бузган Gentra хатловга олинди
09:55 / 19.07.2024
Машина ёки кўчмас мулкда тақиқ бор-йўқлигини текшириш тизими ишга туширилди
17:55 / 05.06.2024