Афғон қўшинлари «Толибон» турмасидаги маҳбусларни озод қилди 

Афғонистон армияси «Толибон»нинг Фарёб вилоятидаги турмасини қўлга олиб, у ердаги маҳбусларни озод қилди. Бу ҳақда Associated Press ахборот агентлиги хабар берди. 

Ҳукумат маълумотларига кўра, «Толибон» турмасида 84 маҳбус аниқланган. Улардан аксарияти афғон хавфсизлик кучлари ходимлари ва оддий фуқаролар бўлган. 

Бироқ жангарилар асирида ҳарбийлар ва фуқаролардан ташқари, «ИШИД»нинг келиб чиқиши ўзбекистонлик, тожикистонлик ва қирғизистонлик 8 жангариси ҳам бўлган.