Путин Россия ва бошқа давлатлар санкциялардан қанча зарар кўрганлигини айтди

Фото: РИА Новости /Михаил Климентьев

Россия 2014 йилда ўзига нисбатан санкциялар киритилганидан буён 50 миллиард доллар зарар кўрди, деди Россия президенти Владимир Путин.

Санкциялар бекор қилиниши Россия иқтисодиётига нима бериши мумкинлиги ҳақидаги саволга Путин шундай жавоб берди: "Нима беради ва нима бермайди, нима йўқотяпмиз. Қаранг. Экспертларнинг маълумотларига кўра, чекловлар киритилган 2014 йилдан буён Россия 50 миллиард доллар, Евроиттифоқ 240 миллиард доллар, АҚШ 17 миллиард доллар, Япония 27 миллиард доллар йўқотди".

Унинг қўшимча қилишича, "буларнинг бари бу давлатлардаги иш ўринларида акс этмоқда ва Евроиттифоқ Россия бозорини йўқотмоқда".