Ўзбeкистон ва Туркманистон ўртасида давлат чeгараси бўйича музокаралар ўтказилди

Фото: Фаррух Алиев

19-25-июнь кунлари Туркманобод шаҳрида Ўзбекистон ва Туркманистон ўртасидаги Давлат чегараси делимитацияси ва демаркацияси масалалари бўйича Ўзбекистон-Туркманистон ҳукуматлараро қўшма комиссияси ишчи гуруҳларининг навбатдаги йиғилиши бўлиб ўтди. Бу ҳақда Ўзбекистон ТИВ матбуот хизмати хабар қилди.

Музокаралар давомида давлатлараро чегарада демаркация чизиғи лойиҳаси бўйича таклифларни кўриб чиқиш давом эттирилди.

Хабарда айтилишича, мулоқот давомида чегарада аэрофототасвир ишларини амалга ошириш талаблари лойиҳаси ишлаб чиқилди.

Музокаралар натижаларига кўра давлатлараро чегаранинг айрим участкаларида дала демаркация ишларини ўтказиш, жумладан бу жараённи тегишли мутахассисларни жалб қилган ҳолда амалга ошириш бўйича келишувга эришилгани хабар қилинмоқда.