Афғонистонда толиблар ҳужуми оқибатида хавфсизлик хизматининг саккиз ходими ҳалок бўлди

Фото: REUTERS

Афғонистон ғарбидаги Ҳирот вилоятида “Толибон” ҳаракати жангариларининг ҳужуми натижасида хавфсизлик хизматининг саккиз ходими ҳалок бўлди ва яна 16 киши жароҳатланди. Бу ҳақда Синьхуа агентлиги хабар бермоқда.

Агентликнинг маълум қилишича, ҳужум сешанба оқшомида амалга оширилган.

“Толибон” жангарилари Ҳирот вилоятидаги Гулран тумани марказига ҳужум уюштириши оқибатида хавфсизлик хизматининг саккиз нафар ходими ҳалок бўлди, яна 16 киши, жумладан туман полицияси бошлиғи жароҳатланди", - деди вилоят полицияси матбуот котиби Абдулла Аҳад Вализода.

Унинг сўзларига кўра, тўқнашув эрталабгача давом этган, толиблар марказни эгаллай олмаган.