Аномал иссиқлик сабаб йўловчи поездларнинг тезлигига чеклов белгиланди

Фото: Ўзбекистон темир йўллари

Ўзбекистонда йўловчи поездларнинг тезлигига чеклов белгиланди. Бу ҳақда «Ўзтемирйўлйўловчи» АЖ хабар бермоқда.

«Ўзтемирйўлйўловчи» маълум қилишича, Самарқанд - Бухоро, Бухоро - Хива каби темир йўл участкаларида ҳаракатланиш хавфсизлигини таъминлаш мақсадида йўловчи поездларнинг тезлигига чеклов белгиланди. Бунга республикада кузатилаётган аномал иссиқлик сабаб сифатида келтирилган.

«Ўзтемирйўлйўловчи» АЖ ўз мижозларига кўрсатилган ишонч учун миннатдорчилик билдирган ва юзага келган ноқулайликлар учун узр сўраган.

#поезд #Ўзбекистон темир йўллари