Туркиянинг Анталья шаҳри мэри Муҳиттин Бечек туристлар учун солиқ жорий этиш таклифи билан чиқди. Бу ҳақда Turizm Gazetesi хабар бермоқда.
"Антальяга йилига 14 млн турист келади. Биз Европадаги кўплаб шаҳарлардаги сингари туристлар учун солиқ жорий этишимиз керак, бу шаҳар инфраструктурасини қўллаб-қувватлашга ёрдам беради", - дея мэрнинг сўзларидан иқтибос келтирмоқда нашр.
Шаҳар туризм кенгашининг раиси Режеп Явузнинг фикрича, туристлар учун солиқсиз шаҳар йилига 150-200 млн евро йўқотмоқда.
