ОАВ: Ҳусийчилар дронлар орқали Саудия Арабистонидаги иккита аэропортга ҳужум уюштирди

Ямандаги “Ансар Аллоҳ” (ҳусийчилар) ҳаракати тарафдорлари учувчисиз учадиган қурилмалар ёрдамида Саудия Арабистонининг Абҳа ва Жизан шаҳарларидаги аэропортларга ҳужум уюштирди. Бу ҳақда Яманнинг Al Massira телеканали хабар берди.

Хабарда айтилишича, қирувчи самолётлар турадиган ангарлар ва бошқа ҳарбий объектлар ҳужум нишонига айланган. Reuters агентлигининг қайд этишича, Саудия Арабистони мазкур хабарни ҳозирча тасдиқламаган.

12 июнь куни ҳусийчилар Абҳадаги аэродромга ракета йўллаганди. Ҳужум натижасида 26 киши жароҳатланган. 14 июнь куни эса ушбу аэродромга дронлар ёрдамида ҳужум уюштирилган, Саудия Арабистони ҳарбий-ҳаво кучлари бешта учувчисиз қурилмани тўхтатиб қолганди.