Жиззахда ЙҲХБ ходимини дўппослаб, унинг погонини юлиб олган шахсга жиноят иши очилди
7 июль куни соат 18:30 ларда Жиззах вилояти ИИБ ЙХҲБ инспектори О.Қ. Жиззах шаҳар, «Эски шаҳар деҳқон бозори» ҳудудида хизмат вазифасини бажариб, «Lacetti» русумли автомашина ҳайдовчисига маъмурий баённома расмийлаштираётган вақтда, шу ердан ўтиб бораётган 1988 йилда туғилган фуқаро С.Н. маст ҳолатда ИИБ ЙХҲБ ходимларининг олдига келиб, уларни турли сўзлар билан ҳақорат қилган. Бу ҳақда Бош прокуратура хабар берди.
ИИБ ЙХҲБ ходимлари уни тинчлантирмоқчи бўлганида, уларга қаршилик кўрсатиб, О.Қ.нинг погонини юлиб олиб, уни уриб, бўйин соҳаси ва чап елка соҳасига тан жароҳати етказган.
Мазкур ҳолат юзасидан Жиззах шаҳар прокуратураси томонидан С.Н.га нисбатан Ўзбекистон Республикаси Жиноят кодексининг 219-моддаси 2-қисми (ҳокимият вакилига ёки фуқаровий бурчини бажараётган шахсга қаршилик кўрсатиш) билан жиноят иши қўзғатилиб, тергов ҳаракатлари олиб борилмоқда.
С.Н. тегишли процессуал тартибда ушланган.
Бундан аввалроқ Жиззах вилоят ИИБ ЙҲХБ инспектори С.Ғаниев «Жигули» машинаси ҳайдовчисига маъмурий баённома расмийлаштираётганида, шу ердан ўтиб кетаётган Нодир Иномов маст ҳолда инспекторни ҳақорат қилиб, унга қўл кўтаргани видеоси тарқалганди.
Мавзуга оид
19:48 / 19.09.2024
Жиззахда бошқарувни йўқотган “Ласетти” пастликка ағдарилди
19:02 / 09.09.2024
Қашқадарё ва Жиззахда пора олган экология ва қурилиш мутахассислари ушланди
09:25 / 05.09.2024
Жиззахда 4 та автомашина иштирокида ЙТҲ содир бўлди
14:14 / 26.08.2024