БААда филиппинлик шахс ижтимоий тармоқларда ИШИДни тарғиб қилгани учун 10 йилга қамалди

Фото: PA Images/ТАСС

Абу Даби апелляция суди Филиппин фуқаросини ижтимоий тармоқларда ИШИД террорчилик гуруҳини тарғиб қилгани учун ўн йилга озодликдан маҳрум қилди. Бу ҳақда Амирликнинг The National нашри хабар бермоқда.

Судланувчи ИШИДга қўшилиш ва ижтимоий тармоқларда тарғибот учун еттита саҳифа яратишда айбдор деб топилди - бештаси Facebook’да, биттаси Twitter’да ва яна биттаси Telegram’да. Уларда 30 ёшли оддий ишчи ИШИД ҳақида ташвиқот маълумотларини жойлаштириб, гуруҳ фойдасига маблағ йиғишга чақирган.

Шунингдек, маҳкум 2 миллион БАА дирҳами (545 минг АҚШ доллари) миқдорида жаримага тортилди. Жазони ўтаб бўлгач, у депортация қилинади.