Буюк Британия ҳарбий-денгиз кучларининг HMS Duncan кемаси Форс кўрфазига кирди. У Эрон билан муносабатлар ёмонлашгани ортидан мамлакат фуқаролик кемаларини муҳофаза қилади, деб хабар қилмоқда BBC.
Шунингдек, HMS Montrose фрегати ҳам айни кўрфазда фаолият юритмоқда. Британия мудофаа вазирлиги маълумотларига кўра, фрегат минтақада бўлиб турган муддат мобайнида Ҳўрмуз бўғозида Британия байроғи остида сузган 35та кемага кузатиб қўйган.
Шу билан бирга, Буюк Британия мудофаа вазирининг таъкидлашича, расмий Лондон муаммони дипломатик йўл билан ҳал этишга ҳаракат қилмоқда.
Эслатиб ўтамиз, ўтган ҳафта Эрон Ислом инқилоби қўриқчилари корпуси Ҳўрмуз бўғозида Британия байроғи остида ҳаракатланган Stena Impero кемасини ҳибсга олган эди. У Эроннинг Ҳўрмузгон вилояти Бандар-Аббос портига олиб кетилган.
Stena Impero кемаси билан боғлиқ вазиятни Гибралтар ҳукуматининг 4 июль куни Эрон нефтини ЕИ санкцияларини четлаб ўтган ҳолда Сурияга етказиб беришда гумон қилинган GRACE 1 танкерини ушланиши билан изоҳлаш мумкин. Теҳрон танкерни қўйиб юборишга чақирмоқда.
