Самарқанд вилояти ва Гродно области ўртасида ҳамкорликни ривожлантириш бўйича йўл харитаси имзоланди
Беларуснинг Лида шаҳрида Самарқанд вилояти ва Гродно области ўртасида ҳамкорликни ривожлантириш бўйича йўл харитаси имзоланди.
Томонлар имзоланган шартномаларни яқин вақт ичида амалга оширишни режалаштирмоқда.
"Биз самарали, ўзаро манфаатли ҳамкорликни йўлга қўйишдан манфаатдормиз", - деди Самарқанд вилояти ҳокимининг ўринбосари Ойбек Хўжаев.
У ҳамкорликнинг асосий йўналишлари сифатида аграр соҳада мутахассислар тайёрлашни тилга олди. Ойбек Хўжаев шунингдек, Гродно области билан наслли чорвачилик, ўсимликлар селекцияси йўналишларида алоқа ўрнатишдан манфаатдорлигини маълум қилди.
Томонлар бундан ташқари, Ўзбекистондан мева-сабзавотлар, пахта маҳсулотлари, Гроднодан озиқ-овқат, ёғоч, шишасозлик саноати маҳсулотлари етказиб беришни ошириш имкониятларини муҳокама қилди.
Самарқанд вилояти ишбилармонлари делегациясига шу йилнинг сентябрида бўлиб ўтадиган "Еврорегион "Неман" бизнес-форуми ва кўргазма-ярмаркасида иштирок этиш таклиф қилинди.
Мавзуга оид
19:23 / 25.09.2024
Самарқандда қаровсиз ҳолда қуритиб юборилган боғлар масаласи прокуратура назоратига олинди
16:16 / 25.09.2024
Тошкентдан Бухорогача тезюрар поездлар учун янги темирйўл қурилади — президент
19:33 / 24.09.2024
Халқаро миқёсдаги кўзбўямачилик: Самарқандда қуриб ётган учта боғ
12:50 / 24.09.2024