Instagram ва WhatsApp иловалари номларига уларнинг кимга тегишли эканлиги ҳам ёзиладиган бўлди

Фото: Yui Mok / PA Wire/PA Images

Facebook Instagram ва WhatsApp иловалари номларига ўз брендини ҳам қўшиб қўядиган бўлди. Ҳар икки иловада улар «Facebook’ка тегишли» эканлиги ҳам қайд этилади. Бу ҳақда The Information нашри хабар қилди.

Ўзгариш Apple ва Android қурилмалари учун мўлжалланган Instagram иловасида аллақачон кўзга ташланди. Кириш саҳифасига ва илованинг созламалар бўлимига « Facebook’ка тегишли Instagram» деган ёзув жойлаштирилган.

«Биз қандай хизмат ва маҳсулотлар Facebook’ка тегишли эканлигини аниқ кўрсатиб ўтмоқчимиз», — деб изоҳлади компания вакили бу ўзгаришни.

The Wall Street Journal газетасининг ёзишича, иловалар номини ўзгартириш орқали Facebook «бу ерда ким хўжайин эканлигини» кўрсатиб қўймоқчи.