АҚШ Форс кўрфазига Эрон катерларига қарши F-15 қирувчи самолётларини жўнатди 

АҚШ Форс кўрфазига Эроннинг кичик кемаларини оммавий йўқ қилишга қодир юқори аниқликдаги қурол билан қуролланган F-15 қирувчи самолётларини навбатчиликка жўнатди. Бу ҳақда The Drive портали хабар берди. 

Зарбдор қирувчи самолётларнинг кўрфазга жўнатилгани ҳақида АҚШ ҳарбий-ҳаво кучларининг 380-экспедицион эскадрильяси штаби маълум қилди. Хабарда таъкидланишича, самолётлар АҚШ ҳарбий-денгиз флотининг Ҳурмуз бўғози орқали ўтувчи кемаларига ҳамроҳлик қилиш ва жанговар навбатчиликни ўташ учун юборилган. 

Портал журналисти АҚШнинг БААдаги базасига жўнатилган самолётлар суратларини таҳлил қилиб, уларда Эрон яқинда хорижий нефт танкерларига ҳужумда қўллаган катерларни йўқ қилиш учун “мукаммал” қурол ўрнатилганини таъкидлаб ўтган.

Бундан ташқари, журналистнинг таъкидлашича, ҳарбий самолётлар Эрон флотининг ҳар қандай кемасини йўқ қила оладиган қурол билан таъминланган.