Саратон ҳужайралари жиддий назорат остида!

Статистик маълумотларга кўра ҳар йили 14 миллион кишига саратон ташхиси қўйилади. Бу рақам йилдан-йилга ортиб бормоқда ва ЖССТ маълумотларига кўра 2025 йилга келиб бундай ташхис қўйилган беморлар сони 19,3 миллион кишига етади. Бугунги кунда ўсма касалликлари туфайли ўлимлар юрак қон-томир касалликларидан кейин иккинчи ўринда турган бўлса, прогнозларга кўра 20 йилдан сўнг етакчига айланади.

Профессор Озлем Эр ACIBADEM Maslak клиникасида онкологик касалликларни даволаш билан шуғулланади. Унинг фикрича, онкологик муаммолар билан курашда энг муҳим жиҳат аҳолининг бу борадаги тушунчаларини ошириш ва бу дард аниқланганда имкон қадар тезроқ чоралар кўришдир. Шифокор бундай касалликларни даволаш бўйича ўз фикрларини билдиради.

Даволаш услубини танлаш ҳужайралардаги ўзгаришларга боғлиқ

Саратон – умумий ном бўлиб, бу дард остида 200 дан ортиқ муайян касалликлар ётади. Касалликни молекуляр структурасига асосан кўрсак, бир хил турдаги касаллик ўзини турли шаклда намоён этаётганини кузатишимиз мумкин. Шунинг учун ҳам даволаш самараси бемор организмидаги ҳужайралар мутациясининг ўзига хос жиҳатларини ҳисобга олинган ҳолда олиб борилишига боғлиқ. Аниқ диагноз тўқималар биопсияси ва суюқ биопсия текширувларидан сўнг қўйилади.

Мутациялар қон таҳлилига кўра кўринади

Саратон (рак) соғлом ҳужайраларнинг зарарланиши ва мутацияга учраб, ҳаддан ташқари тез ва назоратсиз кўпайиб кетиши билан юзага чиқади. Бундай ўзгаришлар авлоддан авлодга ўтиши ёки ташқи факторлар сабаб юзага келиши мумкин.  

Фан бир жойда турмайди ва сўнгги йилларда онкологик касалликлар билан курашда анча жиддий силжишларга эришилди. Лекин бу касалликни бир хил услуб билан даволаб бўлмайди ва ҳар бир ҳолат бўйича алоҳида ёндошув зарур. Даволаш самараси киши аъзосининг патологик ўзгаришлари қай даражадалигига боғлиқ. Замонавий услубларни қўллаган ҳолда сўнгги ўн йилликлар ичида минглаб беморларнинг ҳаёти сақлаб қолинди, умр давомийлигини узайтиришга эришилди.

Шифокорлар учун даволаш жараёнида зарур услубни танлашда мутацияга учрагани туфайли онкологик жараён бошланган ҳужайраларнинг молекуляр структурасини ўрганиш жуда муҳим. Саратоннинг ҳужайра даражасидаги таъсирини ўргангандан кейингина ва бемор организмининг ҳолатига кўра ўзига хос даволаш чораларига киришилади. Шунингдек қон таҳлилини текшириш ўсма ҳолатига кўра биопсия учун тўқима олиш мумкин бўлмаган ҳолатларда иммунотерапия ишлаб чиқиш учун кўмак беради.

Оз ножўя таъсирлар билан юқори натижа

Ҳар бир беморга алоҳида ёндошув услуби бутун дунёда кенг қўлланилади. Олдин қўлланган услублардан фарқли равишда бунда онкологик касаллик билан курашда ножўя таъсирларни минимал даражага туширган ҳолда юқори натижа олиш имконини беради.

Саратоннинг бир хил тури ҳар хил беморда молекуляр даражада сезиларли фарқ қилиши мумкин ва бу ҳолат даволаш самарасига ўз таъсирини ўтказади. Тадқиқотлар натижасида олимлар элликдан ортиқ генетик мутацияларни аниқлаганлар ва уларнинг ҳар бирига алоҳида дори воситалари ишлаб чиққанлар. Суюқ биопсия бемор ва ундаги ўсмага оид аниқ маълумотлар олишга ёрдам беради ва шунга кўра энг мос дори танлаб олинади. Айнан мана шу схема юқори самарадорлиги билан ажралиб туради.

Даволанишга реакцияни олдиндан билиш мумкин

Бугунги кунда саратонга қарши кураш халқаро раҳбарияти тавсия қилаётган молекуляр тестларни қўллаш орқали касаллик ривожланиш тезлиги ва ўсманинг даволанишга реакциясини аниқлаш мумкин. Бу услуб ўпка ракини диагностика қилиш ва олинган натижаларга кўра даволаш схемасини ишлаб чиқишда кенг қўлланилади. Шунингдек бу усул орқали кераксиз дори воситаларини қабул қилишнинг олди олинади, ножўя таъсирлар камайтирилади ва даволанишдаги умумий харажатлар қисқартирилади.

Истиқболли ишланмалар

Профессор Озлем Эр таъкидлашича, келажакда қон таҳлиллари серияси диагностика ва даволаш самарасини аниқлашда янада кенгроқ қўлланилади. Ҳозирги пайтда кенг кўламли тадқиқотлар олиб борилмоқда. Масалан, EGFR гени мутацияси аниқланса, ракнинг ўзига хос турини даволаш жараёнида, Т790М молекуласининг EGFR генида мутацияси тести ўтказилади. Айнан шу ген резистентлик ошишига энг кўп сабабчилардан биридир ва бу ўзгаришни аниқлаш орқали самарасиз препаратларни бошқаларига алмаштириш бўйича қарор қабул қилиш мумкин. Келажакда бу услуб саратоннинг бошқа турларида ҳам қўлланилиши эҳтимоли юқори.

Профессор Озлем Эр ACIBADEM клиникалари тармоғида онкологик касалликларга чалинган беморлар билан мунтазам шуғулланиб боради. Даволанишда кимё терапиянинг энг янги турлари қўлланилади. Мутахассисга ўз вақтида мурожаат қилиш орқали оғир асоратларнинг олдини олиш мумкин.

Туркиядаги Acıbadem клиникаларида даволанишга оид барча қизиқтирган саволлар бўйича Acıbadem клиникаларининг Тошкентдаги ваколатхонасига мурожаат қилишингиз мумкин: Тошкент шаҳри, Мирзо Улуғбек тумани, Буюк Ипак йўли мавзеси, 19 уй.

Телефон: (+99895) 144 54 45

Шунингдек, расмий сайт орқали барча керакли маълумотларга эга бўлишингиз мумкин: www.acibadem.com.ru

Реклама ҳуқуқи асосида