2019 йилнинг 7 август куни соат 08:17 да Жиззах шаҳри “Сангзор” МФЙ О.Азимов кўчасида жойлашган “Баҳодир Исомиддинов” ХКга қарашли МДФ эшик ва ромлари ишлаб чиқариш цехида ёнғин содир бўлаётганлиги ҳақида ёнғин-қутқарув хизматига хабар келиб тушган.
Ўзбекистон Республикаси ФВВ ЁХББ ОАВ билан ҳамкорлик қилиш бўлинмаси маълумотида айтилишича, хабар асосида ёнғин жойига зудликда 7 та асосий ёнғин ўчириш ва 1 қутқарув бўлинмалари жалб этилган. Биринчи бўлинмалар воқеа жойига 4 дақиқада етиб борган.
Ёнғин 08:55да ўраб олиниб, 09:18да бартараф этилган. Кўрилган тезкор ҳаракатлар натижасида ёнғиндан икки қаватли цех биносининг 250 кв. метр майдони сақлаб қолинишига эришилган ва аланганинг қўшни биноларга ўтиб кетиши олди олинган. Тан жароҳати олганлар ва ҳалок бўлганлар йўқ.
Ёнғин оқибатида ишлаб чиқариш цехининг 230 кв. метр майдонда томи, шифти, ички жиҳозлари ва маҳсулотлари ёниб зарарланган. Ёнғин сабаби ва моддий зарар миқдори аниқланмоқда.
