Тошкентда фестивал муносабати билан айрим кўчалар ёпилади

Тошкент шаҳрида фестивал ўтказилиши муносабати билан айрим кўчалар транспорт ҳаракати учун вақтинчалик ёпилади. Бу ҳақда пойтахт ҳокимлиги хабар бермоқда.

Қайд этилишича, 8-11 август кунлари Сайилгоҳ кўчасида Gastro Bazaar фестивали ўтказилиши муносабати билан пойтахтдаги қуйидаги кўчалар вақтинчалик ёпилади:

Матбуотчилар кўчасининг Буюк Турон кўчаси билан туташган чорраҳасидан бошлаб Нуронийлар кўчаси кесишмасигача бўлган қисми;

Бухоро кўчасининг Hugo boss дўкони ёнидан то Нуронийлар кўчаси кесишмасигача бўлган қисми;

Зарафшон кўчасининг Ислом Каримов кўчаси кесишмасидан Сайилгоҳ кўчасигача бўлган қисми.