Борис Жонсон Британия қамоқхоналаридаги жойлар сонини 10 мингтага оширмоқчи
Буюк Британия бош вазири Борис Жонсон қамоқхоналардаги жойлар сонини 10 мингтага ошириш, уларга кўпроқ пул ажратиш ҳамда айрим жиноятлар учун жазони кучайтиришни истамоқда. У бу ҳақда The Mail нашрида ёзди.
Жонсоннинг сўзларига кўра, молия вазири Сажид Жавид Британия қамоқхоналарида қўшимча жойлар яратиш учун 2,5 миллиард фунт стерлинггача маблағ ажратишга тайёр.
Жонсон полицияни жиноятчиликка қарши кескин курашишга чақирмоқда.
Унинг ёзишича, полиция гумондор шахсларни текшираётганида куч ишлатиши мумкин ва шарт. Бу мақсадда яна 8 минг нафар полиция ходимига гумондорларни ушлаш ва тинтиш ваколатлари берилади.
Борис Жонсон 24 июлда Буюк Британия бош вазири лавозимини эгаллаган.
Мавзуга оид
15:50 / 01.10.2024
Ўзбекистон ва Латвия жиноятчиликка қарши курашишда ҳамкорликни кенгайтиради
23:14 / 30.09.2024
Борис Жонсон миграция инқирозида Франция президентини айблади
20:17 / 21.09.2024
Telegram турли мамлакатларнинг ҳуқуқ-тартибот идоралари билан ҳамкорлик қила бошлади
22:23 / 06.09.2024