Аёлнинг бўйнидан занжирни юлиб қочган талончи қўлга олинди

2019 йил 13 август куни соат 20:00ларда номаълум шахс Тошкент шаҳрининг Шайхонтоҳур тумани Х.Раҳматуллаев кўчасида, Учтепа тумани Фарнух кўчасида яшовчи 35 ёшли З.М. исмли аёл бўйнидан занжирини юлиб қочган.

Ўзбекистон Республикаси ИИВ Жамоатчилик ва ОАВ билан алоқалар бошқармаси хабарида айтилишича, кўрилган чоралар натижасида ушбу жиноятни Шайхонтоҳур тумани Хадра маҳалласида яшовчи 24 ёшли Б.М. содир этганлиги аниқланиб, ушланган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.