Туркия ва Украина янги авлоддаги ҳарбий дрон яратишни режалаштирмоқда 

Янги авлоддаги зарбдор учувчисиз парвоз қурилмаси Akinci’ни яратиш лойиҳаси Украинанинг “Укрспецэкспорт” ва Туркиянинг Baykar Savunma компаниялари томонидан яратилган қўшма корхонанинг илк лойиҳаларидан бири бўлади. Бу ҳақда “Укроборонпром” концерни матбуот хизмати хабар қилди.  

Концерн бош директори Павел Букиннинг таъкидлашича, янги дрон XXI аср стандартларига мувофиқ ишлаб чиқилади.

Парвоз қурилмасининг асосий устунликларидан бири ҳарбий самолётлар қўллайдиган ўқ-дорилар билан зарба бериш имконияти бўлади.

Akinci 12 кмгача баландликка кўтарилиб, ҳавода 24 соатгача қолиши мумкин бўлган оғир дронлар турига тегишли бўлиб, у бир тоннадан кўпроқ юкни кўтара олади.