Сурия армияси Хан-Шейхун ва қатор қишлоқларни жангарилардан озод қилди

Фото: РИА Новости

Сурия қуролли кучлари бош штаби Хан-Шейхун шаҳри ва Хома вилоятидаги қатор қишлоқлар озод қилинганини маълум қилди.

"Кейинги кунлардаги зарбалардан сўнг Хома шимолида террорчиларни қуршаб олган ҳарбийларимиз Хан-Шейхун, Мурик, Латамина, Телл-Сайад, Латмин, Кафр-Зейта, Лахая ва бошқа қишлоқларни озод қилди", - дейилади бош штаб баёнотида.

Ушбу ҳудудлар террорчилардан озод бўлгани эълон қилинди, жангарилар катта йўқотишларга учради.

"Армия тезкор суръатларда ҳаракат қилмоқда... бутун Сурия ҳудудини террорчилар ва уларнинг раҳнамоларидан тозалаш кўзда тутилган", - дейилади баёнотда.

Қайд этилишича, ҳозирда озод қилинган ҳудудларни миналардан тозалаш ишлари олиб борилмоқда.