Хитойда австралиялик ёзувчи жосусликда айбланиб қўлга олинди

Ян Хэнцзюн / Фото: AP

Хитой ҳукумати Австралия фуқароси, ёзувчи Ян Хэнцзюнга нисбатан жосуслик қилиш бўйича расман айблов эълон қилди.

"Пекин давлат хавфсизлик бошқармаси 23 август куни Австралия фуқароси Ян Хэнцзюнни жосусликда гумон қилиб қўлга олди. Ҳозирда бу иш юридик процедурага мувофиқ кўриб чиқилмоқда", - деди Хитой ТИВ расмий вакили Гэн Шуан.

У Австралияни Хитойнинг ишларига аралашмасликка чақирди.

"Хитой Австралия ТИВ раҳбарининг бу борадаги баёнотини қоралайди. Таъкидлаб ўтаман, Хитой қонун устуворлиги амал қиладиган мамлакат. Австралия ХХРнинг юридик суверенитетини ҳурмат қилиши ва ишга ҳар қандай шаклда аралашишни бас қилиши лозим", - деди Гэн Шуан.