Миллий жамоа Аҳмедов ва Шомуродовсиз машғулот ўтказди

Эктор Купер мураббийлигидаги Ўзбекистон миллий жамоаси Тошкентда ЖЧ-2022 саралашидан ўрин олган Фаластинга қарши ўйинга тайёргарликни давом эттирмоқда. Йиғинга чақирилган футболчиларнинг кўпчилиги машғулотларда қатнашмоқда.

Легионерлардан ҳозирча фақат Санжар Шоаҳмедов миллий жамоа ихтиёрида, қолган легионер футболчилар энди миллий жамоа машғулотига қўшилади. Ички чемпионатда ўйнайдиган футболчилар орасида Азиз Ғаниев илк марта Купер томонидан миллий жамоага чақирилди.

Жароҳатидан тикланиб, яна яхши формага қайтган Азиз машғулотларда ўзини кўрсатди. Ҳозирда Ўзбекистонда бўлиб турган Одил Аҳмедов эртадан миллий жамоа машғулотларига қўшилади.