Навоийда жиноят кўчасига кирган ёш йигит ушланди

2019 йил 23 август куни Навоий вилоятининг Навбаҳор туманида яшовчи 51 ёшли Н.И. ИИБга мурожаат қилган, деб хабар бермоқда Ўзбекистон Республикаси ИИВ Жамоатчилик ва ОАВ билан алоқалар бошқармаси.

У шу йил 17 августдан 20 августга қадар бўлган вақт оралиғида номаълум шахс уйига ғайриқонуний равишда кириб, хонасидан 7 500 000 сўм пулини ўғирлаб кетганлигини маълум қилган. Ҳолат юзасидан жиноят иши қўзғатилган.

Кўрилган чоралар натижасида ушбу жиноятни “Қалқон ота” МФЙ Порлоқ кўчасида яшовчи 18 ёшли Ғ.И. содир этганлиги аниқланиб, ушланган. 

Тергов ҳаракатлари давом этмоқда.