Сирдарёдаги ўзаро жанжалда мактаб ўқувчиси пичоқ билан жароҳатланди

2019 йил 27 август куни Сирдарё вилоятининг Боёвут туман ИИБдан ҳужжатлар тушган. Бу ҳақда Ўзбекистон Республикаси ИИВ Жамоатчилик ва ОАВ билан алоқалар бошқармаси хабар қилмоқда.

Уларга кўра, шу йил 19 август куни Пахтакор МФЙда яшовчи 27 ёшли Б.Э. Пахтакор МФЙ ҳудудида ўзаро жанжал оқибатида Зарафшон кўчасида яшовчи 25-сонли ўрта мактабнинг 11-синф ўқувчиси, 17 ёшли Н.А.ни пичоқ билан жароҳатлаган.

Натижада Н.А. касалхонага ётқизилган. Мазкур ҳолат юзасидан жиноят иши қўзғатилиб, Б.Э. ушланган. 

Тергов ҳаракатлари олиб борилмоқда.