Ҳиндистон ўз қурилмасини Ойга қўндира олмади

Ҳиндистоннинг Vikram ("Викрам") қурилмаси Ойга қўндирилиши жараёнида у билан алоқа узилди, деб хабар берди Ҳиндистон космик тадқиқотлар ташкилоти.

Маълумот берилишича, алоқа қўниш модули беш километр баландликда бўлган чоғида узилган.

Қўниш модули Ой сатҳига оғирлиги 27 килограмм бўлган Pragyan ("Прагьян") олти ғилдиракли луноходини жойлаштириши керак эди.

Chandrayaan 2 миссияси Ҳиндистон Ой дастурининг давоми ҳисобланади. 2008 йилда Ойга Chandrayaan 1 қурилмаси учирилганди.

Chandrayaan 2 лойиҳасининг қиймати 125 млн доллар атрофида.