Францияда дунёдаги энг оғир олмали пирог пиширилди 

Франциянинг Ламот-Бёврон шаҳрида дунёдаги энг оғир олмали пирог “Тарт Татен” пиширилди. Бу ҳақда France Bleu радиостанцияси хабар берди. 

Маълум қилинишича, пирогнинг оғирлиги 308 кг бўлиб, у Гиннесс рекордлар китобига киритилади. 

Пирогни пишириш учун 500 кг олма, 35 кг шакар ва 40 кг хамир керак бўлган. Ушбу акция 120 йил аввал опа-сингил Татенлар меҳмонхонасидаги ресторанда илк бор пиширилган ширинлик юбилейига аталган.

Ушбу пирогнинг яратилиши тарихига кўра, опа-сингиллардан бири – Стефани товада олма ва шакардан иборат масаллиқ тайёрлаётганда кимдир унинг диққатини бўлган. Оқибатда масаллиқ тагига олган. Уни бошқатдан тайёрлашга вақт бўлмаган ва Стефани уни хамир билан ўраб, духовкага пишишга қўйган. Ширинлик пишгач товани ўгириб пирогни ликопчага тескариси билан қўйган. Натижа эса ресторан меҳмонларига ёққан ва кейинчалик у “Тарт Татен” деган ном олган.